سوالف رجاجيل

[روح التميمي]

المشاركة الأصلية كتبت بواسطة .. نجديه ..

>> سوالف رجاجيل<<

يـاحـبنا لـمـوظفين الاذاعـه=الـلي برامجهم سوالف رجاجيل
مـحمد الـشلاح هـو والجماعة=الـزاملي وابـو حريول ومنديل
كـل يـحاول جـذبنا لاستماعه=بالمغريات من القصص والتماثيل
نـسج مـع فـتراتهم كـم ساعة=نـذكر بـها وقـت قديم وتعاليل
بـس انـهم مايفرقون البضاعة=شـئ من الحلقات ماهيب بالحيل
يـجيبها شـعر بـيوته مـهاعه=مابه طعم معنى ولا زين تفصيل
ودك يـكال لـكل رجل بصاعه=مـايوزن الجرجير في كفة الهيل
ذا قـول مـن لا له بشئ طماعه=ولا يـحب الـقال والقول والقيل
يبي الوطن يقوى ويكسب مناعه=ويصير في دنيا العرب تقل قنديل
وخـتامها نـرفع اكف الضراعه=لـربنا الـلي بالنهار اولج الليل
انـه يـطول عمر رمز الشجاعه=فيصل ولد من بالذكاء دوخ الجيل
الـلي لـوا على الجزيره ذراعه=وصانه عقب ماكاد يجتاحه السيل

ــــــــــــــــــــــــــــ