( الطـــــرق الخــامــــس )
بن دويرج : سلام ياللي لفى في دارنا من دار الاجناب
...................... زبن الركايب الى جنـّب خوي عن خويه
الغرمول : الله يحييك يــا ذيب الــى مـا اعلق الناب
................ من ناش ما عاش والدعوى على قد الدعيـّه
بن دويرج : غديت بآخر زماني وارث حمام منجاب
................... انشد عن الميت ويش ارثّ ومردوده عليه
الغرمول : حمام منجاب يوم انه ظهر ما غلـّق الباب
.................... ما يحسب ان الدهر يفرق هوي من هويه
بن دويرج : اللي غدا لي ماهوب ابطان والا راس مشعاب
................... ضاعت لي البكره اللي سنها وقم الثنيه
الغرمول : جبرك على الله وما جوبك علينا فعل الاسباب
..................... فان كان ضاعت فلا للعبد عن دبرة وليه
بن دويرج : عز الله اني رضيت وخاطري من بكرتي طاب
...................... هيدوك ياللي تبي البكره ثمن والا عطيه
الغرمول : ما ظن يصلح لها غيرك من ركـّاب
.............. ما ارخصته الا من العذروب ما هي بالصريه
بن دويرج : عذروبها ما تقـّفاها مع الاسواق جلاب
............................ عفرا فتاة امكحلة النواظر باطنيه
الغرمول : لياك تزهف ترا اللي مولع بالغيّ كذاب
................... مثلي ومثلك الى جا له على الغالي نحيه
بن دويرج : والله والله ما اسلى عن هوى تلعات الارقاب
................... من لامني في هواهن ماسمع صيحة نبيه
الغرمول : يلومك اللي هوى ببكار لكن عربٍ اتراب
...................... اللي الى شفتهن قلت اقمحي يالادميه
( الطـــــرق الســادس )
الغرمول : هيه ياللي في طواريق الهوى عيديه
.................. خبروني عن هنوف ينقطع طاريها
الله اكبر لا تموت ولا تتمّي حيه
................. المطر يقطع نسمها والهوى يحييها
بن دويرج : ما تملـّكنا طواريق الهوى عاريه
.................... كل هجوه لو تخفّى كتبته قاريها
هن بقر يوسف الى شحّ السحاب معيه
............. وان جرا سيل النحا درّة على راعيها
الغرمول : ما لقيته يا رفيقي يا سليم النيه
............... ولا هقيت انك بعد يا صاحبي تخطيها
احسب انك تفرق البيزه من الربيه
................. الله اكبر كيف تخطيها وعينك فيها
بن دويرج : تويّ اصحى يا عميلي واذكر الناريه
............... المطر يطفي نسمها والدهر يحييها
الرّهى ضيع دليلي واخلف الحفظيه
................... والمعاني يا رفيقي عارف خافيها
2007, 05:50 PM
المواضيع المتشابهه
العرض العادي
