اليوم واحيلتي ياما من الفكر والافكار = كيف الولد يزمله بطنه ويزري عنه يملاه
ظهرت ابا صرم معي فاسي ومشفاري ومنشار = طارٍ عليّه الى جيت الشعيب ابدا من ادناه
لقيت بادنى الشعيب اقشر حلايا فوقه غبار = قلت انت فقر الزمان اللي يذكر قال انا اياه
لكن شوري عليك ان طعت شوري يدك والحار = تراي انا مسكني بالطلح وادّب فيه من جاه
قبلت شوره وجيت معوّد لله مختار = امشي برجوا إله ما يخيّب من ترجاه
انا احسب انه قعد واثره سبقني ناصٍ الدار = ما تنفهق عن مكاني قال والله ما تعداه
الا ترانا نهارٍ للمطوع فيه خطار = والضيف لازم الى امسى عند راع البيت عشّاه
اصبح وقال المطوع جعل ابو ذا العين للنار = حرام بالبيت يالحب الاحمر ما عاد يلقاه
قال الله اقوى طرتوني وانا ورعاني صغار = الصبح باكر نفرقهم على ادنا القصر واقصاه
وحق علينا نفرق بين راع الاصل والجار = ولا استقام السما والارض الا بالمساواه
واقفا وخلىّ عيالينه بقاص الدار حسّار = احد يوّجب واحد يحرم عليه الما ومرعاه
تململوا قالو الورعان هيّا نخلي الدار = ترا العليا وقصر محمد الخرار مشهاه
قال السفيه العليا قال العاقل يسار = ما عند ذيب الاديب ارزاق ياليت المكافاه
اقفوا ومرّوا على الروضه إلى يلعب بها الفار = تقللوا يشتمون السّر هو ويّا قراياه
داجوا بسموا القرايا والجنوب وكل الاقطار = او هايف القصر الرفيع وقام يرقص طاب ملفاه
قال انزلوا يا عيالي جعل بنّايه للابرار = انتم وكحلة عيال العم ما فيكم مراواه
قال الكحالي علامك يا خطيب تقرّ الاسطار = تردّ وجهٍ غبر من عقب ما قفّت مطاياه
ابا استعين الولي واقف الى جا الفقر طرار = الى نهيته وعيّا يجنّب صفقته بين حجّاه
الفقر ولدت حرام خاطره ماهوب عذّار = اما عذرنا يعيذ الله وهو لارحم مجناه
ذا لي ثلاث اجبة والقدر ما ركّب على النار = ازريت لا ادرك اربيع طحين اخبزه واتغداه
يا اهل الرفيع اعرضوا باكر وخلّو نقرع الطار = وابي نرجمه يا نشاما رجم قابه ونتقفاه
تلقى الحصى في متون الفقر ورّاد وصدّار = من قصرنا سنّد الوادي وخشم النير ممساه
والصبح ياما حلا له من خشوم النير منشار = ياطا سجا والينوفي والحرار ادنا معشاه
وصلوا على المصطفى المختار ما هلّن الامطار = وآله وصحبه عدد ما غردن الورق بغناه
العرض العادي
