ياعيوني دوري درب السهارا=واسكبي من فيض دمعاتك وهاتي
اشتعل من ضارم اللوعات نارا=بين محني الضلوع المحدباتي
لاسقي الله شوفته ذاك النهارا =ريمه بعيونها رمح الزناتي
تدرج بالقاع وخلق الله حيارا =كل منهم صامت وعض الشفاتي
شفتها تمشي وبالممشي تدارا = من ثلاث شفتهن امبرقعاتي
ثالثتهن صوبتني بالجهارا=والعباد اركوع وفاتتني صلاتي
العيون الخرس واشعها حمارا=من وراء البرقع اسيوف امغمداتي
صرت انا وياه بالممشاء انتبارا=خازره بالعين من دون التفاتي
قلت اباسلم وباخاطر اشهارا=واكتم الاصوات عن كشف الشماتي
قلت له اهلين ياخشيف الزبارا=والحظتني بالعيون الناعساتي
.وارمعت لي بالاصابع ببتهارا= ابعد ابعد لايشوفنك خواتي
قمت أجاذبها بعبرات المدارا=والحذر خيم علي صدري وماتي
له دنيت وقلت ياسيد العذارا= ماعليك اذنوب خليها زكاتي
شربه احي بها عمر توارا=من ثمان ذوبهن يدفع مماتي
استدارت كنها فلوة امهارا= العبث والغي كمن وسط العباتي
صفحت معهن ولي قر القرارا= اني اخو للنجوم الساهراتي
ضاق جو القاع وقوض بالغبارا=يوم قفت واتبعت درب البناتي
حرت انا في ماقفي غصب اجبارا= وصارت اقدامي بقيد اموسراتي
المصايب والبلاوي والدمارا=مسكنه قلب رهين الغانياتي
بوحمد ياالغضوري ياخير جارا=مدني بفزوع خيل مسرجاتي
اوعلي يوكن خضر صنع النصارا=من حفيزات الجميحي هو مناتي
غلقه بنزين ولا ينقص اعيارا=وشيك ازيوته وعب الناقصاتي
وزوده دولاب بالرفرف يسارا= ولا دواليبه تصير مكسراتي
شيشه الريان عندك لاتدارا= لاتكاسل يزبوت المحصناتي
نقطع المسرا لو طال المزارا= وشد حيلك لليال المقبلاتي
دونها بحرين وانهار تجارا= ودونها حدب السيوف المرهفاتي
نقصد اللي شوفته شوفه احبارا= شافت الصقار بروض معشباتي
او شبه حمرا رعت زهر الخضارا= مارعبها ملح تفاق الرماتي
البشر مخلوق من طين هيارا= والله اللي زادها حسن الصفاتي
العرض المتطور
