عفي الله عن عين شقاها يباريها=الي ماسجاها ليلها جت بلاويها
عفي الله عنها كل ماعسعس الدجي=تراقب نجوم الليل ممالجي فيها
الي قلت ياعين الشقي خلي السهر =تزايد بدمع ماتكضه مجاريها
تكسر بها العبرات والغبن صايبه =وتصبح وتمسي حزنها كامن فيها
ولانيب لايمها علي ماجري لها=من اتعوس دنيا ضاع كل الرجاء فيها
اتعايس زمان يخلف الراي والبصر=تضيق النفوس ولا تحصل مشاهيها
الا ياعذولي لاتلومن بحالتي=علي دمعتي تضحك وتجهل مباديها
لو انك عرفت اسباب مابي وماجرى=قصرت الملامه والعذر منك يتليها
ابشرح لك القصه علي شان تعتبر=علي ان المحبه كم صحيح وقع فيها
انا المبتلى بالحب والحب حدني= علي عشرة ماذقت منها حلاويها
تجرعت مر الصبر والصد والجفي=سنين مضت عاصرت منها مساويها
علي اللي غزتني واغزلت في قوامها=لما انه طبع بي جالبوتي بواديها
تولعتها واصبحت مملوك للغلا=وطالت حياتي والمصايب تناديها
وياما عدلت النفس عن حب غيرها=وابت تنعدل عنها عسي الله يهديها
تحدن لدرب العسر واجحد مصيبتي=وامسح دموع العين بالكف واخفيها
الاليت عيني غضت الطرف واسبلت=ولاشافت اللي للموده يعنيها
لها في حنايا الصدر قلب بكفها=تجره علي نار شديد تلظيها
تجره وهو يصبر علي غير طاقته=عسي بالفرج تنزاح نار وقع فيها
تري لو علاج الطب يبري صوابيه=لقيتن صحيح عن تعبها محاضيها
فكم جيت له شاكي عذابي وقلت له=رويدك علي روح حرمته مناويها
انا شفت بك شي عجزت احصي اوصافه=تحيرت مدري ويش اوصف واحليها
بك النور والنيران والعز والتعب =وبك الجنه الخضرا تجاري سواقيها
وبك العٌرف والريحان ياروضة الهوي=الي هب نسناس تهزع نواميها
يوسف اخذ نصف الجمال بنبوته=والنصف الآخر صار لك عن غوانيها
ربيتي بدار علها هاتف الحياء=دار الرجال الشامخه في مبانيها
دار الفحول اللي تذًكر فعولهم=دار الرجال اللي تروع معاديها
هي ام القصيم عنيزة ان حل حلها=دار لنا ومحصنات بوابيها
مابين الغضاء والرمال والجال حدها=ووادي الرمه جاء من شمال يباريها
ربت وسطها رعبوبه شاع ذكرها=عذار الهوى منها وفيها واهاليها
الا ياطيب العرف بالله دلني =علي دبرة تنسين عنها وطاريها
كثير البشر مرتاحه في زمانها=وكلن تهنا بالمحبه وحاليها
وانا ان جيت ابنسي تلني جاير الهوى=وترجم لقلبي وصفها يوم الاقيها
رجعت بعماي وصرت نيشان للعناء= سهوم المنايا صوبتني مراميها
وانا سالفه مجنون ليلي ورثتها=وشاعت بي اذكاري بحضر وباديها
2009, 08:59 PM
المواضيع المتشابهه
العرض المتطور