قصيدة رائعة جدا لحمد المغيولي ( رحمه الله ) ابدع فيها ابوناصرفي اللحن والاداء المميز
على مايشوق لخاطري ينطق لساني=يعبر لساني لكن الوقت ضاهدني
عشقت الهوى واشقان يوم الله اشقاني=احسبه على حمل الموده يساعدني
رماني هوى قلبي وسمن وعناني= وانا دون هذا كهرب الحب صايدني
مع الصاحب اللي في ضحى العيد وافاني=يذود الزعامه كن وده يساندني
رميت السلام وفاتني تقل ماوحاني=وهو يسمعن لاشك قصده يكايدني
الايابعد حالي ومالي وحياني=بلاش التغلي مد كفك وعايدني
ترى الكل غير الله رب القدر فاني=ولالك صلاح في حياتي تزهدني
الى جيت حادين الوحم حرق عطشاني=على مبسم غر ثناياه وردني
طرف ساعة شانك يوافق على شاني=اشاهدك وانت ياعيوني تشاهدني
يطفي لهيب شب بالجوف نيراني=ترى الكبد حرقه والمنيه تهددني
من العام قلبي من تغليك وجعاني=وغيرك من الخلان ماهوب فايدني
الايازريف الطول يانجل الاعياني=على حبك اللي غامرن لاتحاسدني
حرام ان سلبت الروح وايتمت بزراني=عساها بحظك كان صممت تبعدني
تذكر زمان فات مامداك تنساني=ليا كنت بالله للصداقه تعاهدني
نقضت العهود وبعت ولفي بهجراني=وكثر الدلع ماهوب يبعد ولايدني
2004, 07:09 PM
المواضيع المتشابهه
العرض الشجري