يا مل قلبٍ ما يبي النوم راعيه = ومن السهر عيا يشيله فراشه
تلقى همومه دايم الدوم تتليه = مطعم ومسقى ما يداني معاشه
ما احب سبٍ للحبيب وانا اغليه = لين اصبحن عروق قلبي نشاشه
من حب مجمولٍ تغلا وانا ارجيه = عافن وانا ابغي شوفته والبشاشه
يالله يا راع الوفا عند طاريه = اسلك ادروب الخير مثل الفراشه
حذرا من اللي ما تسرك مماشيه = هيسٍ ردي ما يساوي نقاشه
ابيك تتبع كل قرمٍ تنقيه = وحذرا عن اللي كل يومٍ بقاشه
يوسف كلامي لو تصفح معانيه = تلقاه صافي ما يجي به غشاشه
ودعتك اللي ما يضيع الرجا فيه = منشي السحاب مربعات النشافه
2007, 10:24 PM
المواضيع المتشابهه
العرض العادي
