قضي العمر والمحروم بين الرجاء والياس=وانا اللي علي العله تحملت صبر ايوب
الا واعذاب اللي بري حاله الهوجاس=يفكر متي ينزاح عن قلبه المتعوب
انا المبتلي بالحب من دون كل الناس =وانا الشاقي المهموم بالجادل الرعبوب
شبكني شرك حبايل ظبية الاطعاس=علي غفله مني وسط شبكها المنصوب
جذبني وتلن للهوي طرفها النعاس=وعين مثل زرقا اليمامه بلا عذروب
لها قبله ربي عطاها بدون قياس=تكايد بها الزينات وهي طبعها لعوب
وقعت بهواها وقعة كليب مع جساس=سنين تقضت مابها غالب ومغلوب
سكن حبها بين المحاني ودق اجراس =وتولتني هموم الدهر والخطر مكتوب
عسي من يلومن في هوى المطرق المياس=يحارب لذيذ النوم مع طيب المشروب
فيارب تبلاها بحبي مع الخناس=تجي لي مثل قصة زليخا وابن يعقوب