[ابوسحر]

الله من همٍّ بقلبي تركته=عقب الرحيل اسهر عيوني ليالي
ياليت قلبي مثل مانِّك ملكته=بيدك خذيته كان يرتاح بالي
خلّيت قلبي للشقاء مارحمته=ابعدت عني وانت بالحيل غالي
عقبك عزيز الناس عندي هجرته=والله ماغيرك يجي في خيالي
ماكن بين الناس حيِّ عرفته=والاٍّ صديقٍ مخلصٍ لي موالي
ماللعيون ابجملة الناس لفته =كن البلد ياقرة العين خالي
وش عاد لو غيرك من الناس شفته=لاصار قلبي عنك ماهوب سالي
ارجع لقلبٍ في رحيلك جرحته=انت الحبيب ولانبي لك بدالي
عقبك تراني كل شيٍّ فقدته=حيثك حياتي مكسبي راس مالي

محبكم
ابوسحر