كتبنالك من الأشعار بدم من دموع العين=رسمنالك على قلب العنى صوره لجل ذكراك
وهذي حيلة المشتاق إلى طاول عليه البين=بذل جوده ومجهوده على شانك وشان رضاك
أنا اللي عاثرٍ حظي معك ذا له ثلاث سنين=قضيت العمر في روحه وجيه ماشين بحماك
سبحت وهمت في بحر الهوايل وانتي ماتدرين=رسى قلبي على ساحل غرامك يوم هو لاقاك
اعالج قلبي برجواك واكفكف دمعة العينين=عليك اللوم عمري راح من همك ومن بلواك
أنا بين الرجاء والياس ترى والله مايشفين=سوى جمع الشمل في ليلةٍ غدرى أنا وياك
نبيع ونشتري بأسرار ولا يدري بنا الواشين=أذوق الراح يوم القى حنانك وأنستر بهداك
الشاعر الكبير : حمد بن علي الهقاص
إلقاء : إبراهيم الصيخان
تسجيلات : بواقي جرح