لا واهنيّك يامبارك هنّياه=ماولعك بالحب غض الشبابي
شيّبت ياخالك وقلبي بعمياه=ومطاوع قلبي وهو من عذابي
على الذي بيني وبينه مداراه=وهو غشيم ولا يعرف المحابي
ترف القدم كن الغزيّل حلاياه=ومن الحمامه وصفها والخضابي
عندي قريب وناحي البعد ينحاه=عين الوحش بمشمرخات الهضابـي
لو من بغى جرحه تطبب وداواه=ماعشت بالدنيا غميق صوابي
من علّة في ثومة القلب ترعاه= خطر علّي الموت محد درى بي
مسكين ياللي خابر داه ودواه=ومغلّق دونه ثمانين بابي
يامن يوصـّل حامض العلم واجزاه=غض الشباب اللي صوابه سطى بي
محبكم
ابوسحر