شعراء عنيزة - لَـوْ ادْرِي مَـاحَصَلْ مَـاكِنْتِ فَـادِيه ..

قِـتَلْتِ الـشَّي مِنْكُ وقِلْتِ عَادِي
ولَا احْـكِي فِـيه مِنْ قُرْبَه وحَادِيه

حَـزَنْتِ لِـغِيبِتِكْ بَـسْ كِنْتِ هَادِي
لِـشُوقِكْ واحْـتِيَاجِكْ مِـنْ تَـمَادِيه

أَمَـانَـه وِشْ بِـقَى مِـنْ كِـلِّ وَادِي
يِـشِلِكْ بِـينِ هَـجْرِكْ وانْـت بَـادِيه

وِصَـفْكِ القَلْبِ طَاعِنْ بِيْ وِدَادِي
لَو إنَّه فِي القِسَا مَا حَسِّ عَادِيه

شُـهورِ الـوَقْت صَـارَتْ بِكْ تِمَادِي
وفَــرْقِ الـوَقْـتْ مَـايَـفْرِقْ مِـبَـادِيه

عَـرَفْتِ الـحِينْ كِـيفِ الـظَّنِ بَادِي
عَـرَفْتِ الـطِّيب مِـنْ ظَـنَّه يِـهادِيه

يَاطَبْعِ الِّلي سِكَتْ والذَنْبِ زَادِي
تِـسَافِرْ كِـلْ جُروحِي بَسْ تِنَادِيه

وِصَـلْتِ لِـحُبْ فِي الدِنْيَا جِمَادِي
عَـطَـاكُ ومَـاحَـسَبْ أمْـرِ لِـرَمَادِيه

خَـلَقْتِ لِـكِّلْ حَـيَاتِي صَـبْرِ غَادِي
وِلَـهْ صَـبْرِ الـصَّخَرْ مِـنْ كِـلِّ وَادِيـه

يَـاقَهْرِ الـرُّوحْ ذَاقَـتْ حِـزْنِ سَادِي
أَلَــمْ مَـاعَـوِّدَّه كِــلْ جَــرْحَ ايَـادِيـه

قِـصَدْتَه طِـيِرْ واقْـوَى مِـنْ جِوَادِي
خَـذَلْـنِي مِـنْ سِـمَاء بَـرَّه بَـوَادِيه

هَـذَاهَا انْ خَـابَتْ آمـالِي جِدَادِي
تَـعَبْ فِـكْرَه وهُـو بَـلْسَمْهِ كَـادِيه

خَـبَـايَا مَـاطَـرَتْ بِـيْ مِـنْ مُـرَادِي
لَـوْ ادْرِي مَـاحَصَلْ مَـاكِنْتِ فَـادِيه