يوم اعدي علي المشراف همي حداني =ضيقه البال حدتني عليه ونصيته
قمت اهيض عن الخاطر من اللي وطاني=وارفع الصوت يوم اني عنيت ورقيته
وانثر الدمع وابكي سالف من زماني=واتصبر وانا صبري بصدري كميته
من تدابيروقت صاير مرمهاني =مختلط مايعرف الزين والشين ببيته
والله اني امعيف منه بس ابتلاني= قادني قود مظلوم وانا مااشتهيته
عايفه بس يدرجني لسو امتحاني= واقهر النفس واترك كل شي نويته
ذا زمان رفا خملات بعض الهداني =وارتفع فوق راس اللي يجيك ان لعيته
يرفع الذيل وينزل رفيع العناني=والموارد صرا والريح من جلد ميته
انشد اللي يعرف العلم قاصي وداني=كم دليل يضيع وكم يجي ماهقيته
انشد اللي قرا خط وهو شقلباني=مع بعض ناس يوم اني لمحته قريته
ناس يمشون بالتبجيح لك بالبياني =وان بغيت النقاء ماجو علي مابغيته
تدعي بالتطوع ياقليل الحساني =وانت ساس البلا لاتحسب انك حميته
خاتل دينك بدنياك ياابن...=ماتفيد الحسايف عقب شي وطيته