قالو اقصد علينا من قصيد الغرام=قصدهم يكشفون اسراري اللي خفيه
قلت هذي قصيده من غزير الكلام=ليش زيد ضرب عمرو بليا خطيه
واضحكوا لي وقالوا عليك السلام=خالي البال ماذقت الحياة الشفيه
ساكت واتصبر والهوجاس حيام=مثل ورد تزاحم فوق جال الركيه
داخل الصدر يصلاني جحيم وهمام =كيف راحت عن العالم اسلوم الحميه
هم شانونى وانا بارين منه الهيام=مثل بري الجراد اعشاب روض نديه
قالو القابله ليله فرحها يقام=اسعد الناس من جت له تخطا عشيه
غبن حالي الي من شيل عنها اللثام=بين حشد حضر من كل صوب ونحيه
ريمه علقت تاج البهاء والوسام=مركز الزين هي نور العرب والبريه
الجمال المعتق والحسن والقوام=والعيون النواعس والشفاه العذيه
اسكرتني بلا خمرة وشربه مدام=وانشلتني عن العالم بجيش وسريه
لو قروا ايه الكرسي ببيت الحرام=وسوره الكهف والسبع المثاني عليه
يختفي حبها بين اللحم والعظام=كل ماانه قرا الايات صدق ونيه
ثم يرجع الي فز المطوع وقام=صار همي يمشين علي كل سيه
الهوى جاير من عهد حام وسام=ذا حياته نعيم وذا بنار لظيه