اساهر ساريات الليل مدام ان القمر مابان=والي منه تبين قمت اسولف له عن احزاني
اثر وجه القمر ماهو خوى الساهر الولهان=يبين امن الشروق ويتجه غرب وينساني
واكمل مع نجوم الصبح ونيران الهوى تصلان=توهج داخل ضلوعي وهم بي تولاني
لهيب بالحشا يسعر بلا نار ولا دخان=ويرهق حالتي من دون مابينت لفلاني
ابات الليل والهوجاس يلعب بي وانا تعبان=ولابي عله لعلاج دكتور تبناني
طبيبي والدوا وعلاج مابي خثرة الاعيان=عسي الله مايطول غيبه اللي تسكن اركاني
نهار السبت توادعنا وكني في وسط بركان=ودمع الحزن فوق الخد هماليل وهتاني
اوادعهاوداع اللي نزيل عند شيخ الجان=فقد عقله ويسقي له بكاس فيه قراني
دخلت بعالم ثاني بلا قصر ولا بيبان=عواكيس الزمان اللي تطاردني بميداني
قضيت اربع من التومان والسادس شهر شعبان=وانا ياعونه الله كل يوم اشين من الثاني
الي هز الهوى بابي لو اني بالكري غرقان=افز من الفرح عجل واقول احبيبي جاني
واعود للوساده اسحب اقدامي وانا سهران=وادله قلبي اللي كل يوم بهمه اشقاني
نصحني من نصحني والنصيحه هرجه العدوان=عصيت بطاعته اهلي واهل سوقي وجيراني
انا الشاكي انا الباكي انا التايه انا الغلطان=ولكن بس خلوني اعيش الوقت وحداني
الايا لوع قلبي لوع مسجون بلا برهان=وقع بالسجن مظلوم تحت حكم الامريكاني
اسالك يالولي بياسين وعم وسورة الفرقان=ترد اللي غيابه صار لي عوق ونقصاني
غزال جل خالقها بشكل غير شكل انسان =خذت نصف الجمال اليوسفي باشكال والواني
الي منه مشت هزت قوام مثل غصن البان=يفوح بدربها مسك وبشام ونفح ريحاني
سقتني شربه لاهيب من بير ولا غدران=سقتني كاس من تسنيم ممزوج بشي ثاني
تعاطيناه بلا خوف بقسمة كفه الميزاني=علي ذاك اليمين اللي رجح به كف ميزاني