شعراء عنيزة - كل ماجيت اسلم

كلما جيت اسلم قال لي و ش تبي =صرت افكر واهوجس مالقيت الجواب
عبرتي ضكت بصدري وانا مكسبي= سامر للثريا والقمر لين غاب
وانثر الدمع من عيني واقول اسكبي=بالدموع اكبري ياترجمان العذاب
اشرحي عن غرامي له وكثرتعبي=قولي علاج خلك رشفتن من رضاب
ان شكيت المصيبه قالت انك غبي=ماحد خض قلبك ازرق الماء وراب
ياهل الخير قولوا له تري مذهبي =مايضيع جريمه مالها من عقاب
لجل حكم الشريعه ولجل دين النبي =من ذبح مسلم مافاز يوم الحساب
لايجيها من الله حوبة بسببي =لو تندم بوجهه ينقفل كل باب
جيدها جيد ظبي جاه رشق حلبي=فز من قيلته واقفي بجوفه صواب
ولعتني بحبه يومهي تلعبي=بين ذيك المنازل لعبا بالتراب
بيدها طلعت قلبي علي منكبي =صعدتني جبال ونزلتني هضاب
الله اللي بلان بحب ذاك الظبي=لايمي في محبتها عليك العتاب
لو عنه قيدوني جيته احبي حبي=من وقع في حبايل حبها مايهاب
كل نار تولع للغرام تهبي =غير ناره توقد بالحشا بالتهاب