يا سلامي على درع لنا ضافي=بالشدايد يزبنا ويتقينا
شيخنا اللي معه السعد لافي=دوك كيف السعد معنا يبارينا
يا مخلي الغنم والذيب ميلافي=ربنا الله وصرت اليوم والينا
بالعهد يا طويل العمر لك نافي=أنت والد وحنا لك مطيعينا
قلتها من ضمير صافي وافي=بالنيابة عن اولنا وتالينا
لابتي عندهم للروح قصافي=من يعاديك بالعاهل معادينا
كم عدو إيلا أطول شاف ما عافي=تنطلق سابق المسكين بيدينا
كلنا لك جنود ما بها خافي=وأنت يا القايد العلي تمشينا
زاهبين على القدام وقافي=والشاره ليا جتنا تكفينا
والختم يارفيع الشان يا كافي=عز شيخ لنا ذخر المسلمينا