ياليتنا نبني الخيمـه بخـب النعـام=حتى نشوف الحياة بكـل مضمونهـا
ارضٍ طلع نبتها من عقب وبل الغمام=ياليت ربعـي وخلانـي يرودونهـا

الحمد لله ترانا وسط امان وسلام=واللي يبون الخيام البيض يبنونها
جهز ركايبك وارحل للحيا ياغلام=حتى تشوف الطبيعه ما يقولونها

سعود

والله ما امل لو اقعد ثلاثين عـام=في روضةٍ زيٌن الله للعرب لونها
واليا تبعت الحيا ما يلتحقني ملام=قدمي حصل سالفه وانتم تعرفونها

تمل لا صار ما فيها سمار وجهـام=واخاف جمرتك تحرق راس غليونها
انته تخيٌل علـومٍ مرتـك بالمنـام=ياباعثٍ سالفـة ليلـى ومجنونهـا

يمكن بخب النعام القى فروخ الحمام=واصيدها مثـل عربـانٍ يصيدونهـا
حلم الكريزي صدق ما عاد فيها كلام=أمسى يغني بها وانتـم تشيلونهـا

ياسعود ماهو على كيفك تخلٌ النظام=خل الحمامه تفلي عند مـا مونهـا
وان طعتني حج للكعبه وشد الحرام=وصل الفرايض مثل ناسٍ يصلونها

ان يسٌر الله لحط الخبز فـوق اليـدام=ياهونها عنـد رب البيـت ياهونهـا
ان كان خايف يد المسلم تنوش الحرام=اعطه من النعمه اللي جوف ما عونها