شعراء عنيزة - محاورة عزيز البادي وحمد المغيولي (1)

وهــنـــــا ,,

طــرق ثاني بين عبدالعزيز البادي و حمد المغيولي ( رحمهم الله ) ...

عبدالعزيز

يــا ســلام الله عليكـــــــم من القلب السليم = ردة منهـا وفيهـا مـلـيــــــــــت حزامها
ودي العب كان مــــا جا على الآفـــاق غيم = والمعانــــي يـــا حميــد قضبت خزامها

حمد

مرحبـــا فــي مرحبـــا عـد مـــا هب النسيم = كل جابـــه طيبـــــه فالهــــا قــــــدامها
من حشم نفسه مع الناس مــــا غير حشيم = يــا حليــل الليلـــه اللـــي زهاه زمامها

عبدالعزيز

بادحت شمس الضحـى وانتحى نجم النظيم = والليالــــي تستهـــل الشهـــــر بايامها
هاتها لـــي يــــــا غـــريم على المعنى فهيم = خل نــــــار الملعبـــه تشتعل بضرامها

حمد

قدحت شمس الضحـــى وانفجع قلب اليتيم = لا تطـــاول خبـــزة غمســــــت بيدامها
انت ياللـــي خـنـــــجـــرك بين ثوبك والبريم = من عشق له سلعة من حلاله سامها

عبدالعزيز

ودي انشد وانت منتب علــى المعنى غشيم = من فـتـقـــها عقب مـــا لحمت بلحامها
كلنا مــــن شعــــب واحــــد وسكان القصيم = عقب مـــا ملا قرون التـنــــك حجامها

حمد

ليـــه تـنـشـــد وانت مثلــــــي بهالديره فهيم = خلها تسعى وتـثـنـــــي عليها حرامها
يـــا مكاف الله يكافــــــــي من اليوم العظيم = القليب المالحــــه غيــــروا مرسامها

عبدالعزيز

انت هات السالفه يـــــــا حمود بطيب خيم = هـــات كل معاملــــــه سيرته برقامها
خـــل قلبك فــــي بحـــور الهوى الليله يهيم = لين تلقـــــى الذاهبه واخبرن بعلامها

حمد

ودي امشي كان قلبك على الممشى هميم = من يصوم البيض يلقى ثواب صيامها
الـــــذواهب بالرجــــا والرجــــا بالله كــريم = هــايفــت للعــــد ثـــــم انكفت بحيامها

عبدالعزيز

العبـــاد اشكال والله علــى خلقــــه رحيـــم = مـــــا يخلي الطعمه الا ردي عصامها
بالعبــاد احــــد مشقى ولـــــو هو في نعيم = قاضب معناه قضب الدلـــــــي بوذامها

حمد

مــــا يغـــر الطيبه كــــود مـــــن قلبه بهيم = درجـــوهــا تـــدرج واستـــره بخيامها
ليت ذعــــذاع الهـوا لو طرف ساعة يسيم = لين ننهــــي هــرجـــة ربنـــــا علامها

عبدالعزيز

حط راس الميسمه يـــا حمد فوق الجحيم = لاجل مــــا تخفى الدعيه على غنامها
والله انــــي تقل اشوف الشتا برده صريم = والصخونه سيـــرت بالجسد وعظامها

حمد

شـــد راس الهرش والناس بايام الحميم = والحلوق الوارمــه صاهرين حمامها
لا تشكى والسما فيـــــه شمس وفيه ديم = والنفوس الطاغيه سد روس انسامها