محاورة عزيز البادي وشليويح المطيري ( 3)
وهـــذا طــرق ثالـث بين عبدالعزيز البادي ( رحمه الله ) و شليويح المطيري ... عبدالعزيز يـــــا سلامــــي والهوا زانت طروقه = ردة مــــــــــا به ملفـّات وملاوي كل سـوق ساوقـــــه حـــزة شروقه = ما تهاوي النفس غير اللي تهاوي شليويح مرحبــــا والعهد حنـــا مـــــا نبـــوقه = مــــــا تضيعني كثيرات الهقاوي كـــل طاروق علـــــى فنــــــّه نسوقه = يـا عزيز عقبها ويش انت ناوي عبدالعزيز حـن رعـــــاد السحايب فــــي طبوقه = زيلتـــه بالقاع وخيـــاله سماوي يـــــالله انك لا تعــــرضنا صعـــــوقه = يـــــا معدّي عن كثيرات البلاوي شليويح ذرّ بيـتـك كل مــــــا لاحت بــــــروقه = لا تحط البيت فــــي شعيب فراوي انت طيـــر حـــــر مقبــــوض سبوقه = من قنص به بالخــلا يمي غناوي عبدالعزيز مــــا يجيب العبد غير اللــــي يطوقه = خابـــــــرين كل سيرات الدعاوي القدم تشكـــي حفاها مــــــن رهوقه = وانت في ظنتك شليويح العطاوي شليويح دق سلف العـــــود يــــــالله لا تعوقه = يحسب انه صابها لــو كان غاوي كل رجــــل كمله باقــــــــــــي حقوقه = مــــــا بعد جك القصيه والعزاوي عبدالعزيز حقنا مقبوض والله مـــــــا تـــــذوقه = والطــــــروق جداد والخد متساوي ياقع الشيهان فـــــــي عالي شهوقه = مـــا عليه من العديم ولا اللحاوي شليويح انت حدر العلـــــــم والا صرت فوقه = لا تسوي مثــــــل مقرود الشواوي احسب انك طيـــــرٍ يرهي في لحوقه = الوبر يفرق عن البشت الحساوي عبدالعزيز كل حمـــل حطـــه الله فـــــي عذوقه = والمسافر لـــــــه زماميل ورواوي انت وش ترفـــــا كثيـــــــرات فتوقه = وادي لـــــو سال ما يخضر سناوي شليويح كل مـــــن يكفا صبوحٍ مـــــا يحوقه = عقب نمت العصر جاك الليل ضاوي الحرامي صـــــــار موته من ريوقه = يحسب انه عقب مـــا ذاقـه مشاوي عبدالعزيز كل فايـــق لـــه بعــــــد خصم يفوقه = وانت لا تجزي الحساني بالمساوي طيرك اللي جاك من مجذب عموقه = ما علـــى ما قلت كد ساق الاخاوي شليويح مــــا نطقته لين بانت لــــــي طقوقه = مــــــونسٍ كيّــــة قبيلك منت كاوي لا تعــــدي الضيف عن باقي حقوقه = يـــــا مدلهة القصير مــــع الفداوي عبدالعزيز فالـــق الاصبـــاح بين لـــــي فلوقه = غير ذكـــر البــــدو نعطيك البراوي ........................................... = ............................................ شليويح الجمل يــرتـــــــع ولا طاحت علوقه = ساقه الجمال مـــــــع حزم نزاوي انت امـــــــك تالـــــي الليل مخنوقه = ترجــي الرحمه ولابس لك عباوي عبدالعزيز من مشى الجمال ياكـــل من خثوقه = مــــا يحوش الطايله غير الندواي جاك سم اللــــي زرق فوقك زروقه = لين مــــلا كـــــل غمقات الجباوي شليويح من يفك العــــــــود لا خطنا شدوقه = مقبل لـــه مخطر فـــــوق الكلاوي عود مــــوز مــــا يفكنـــــه عروقه = ينثني قــــــدام حــذفــــات الاهاوي عبدالعزيز عودك الماجود ربعه فــــوق لوقه = وان تقربته عليك الجـــــــو عاوي كل مــــــــا سنيت اجرب بك ذلوقه = وانت ما مليت يــــــا كاف البلاوي شليويح كان جيت العود مــا نامت رموقه = نعم فــــــــي ربعه وخل العود ثاوي وان زعل مني نسوي لـه نشوقه = همه الليله مثل هـــــــــــم الجلاوي ......... = ......... ( من المصدر - شعراء عنيزة الشعبيون - ) |
| الساعة الآن 12:06 AM |
Powered by vBulletin V3.8.11. Copyright ©2000 - 2025, Tranz By
YsOrI
اصحاب عرب
الحقوق محفوظة لشعراء عنيزة 2004-2024