تذكر ابو ماجد أخوه ( مقبل ) وكان يشتغل بالجوف , فأرسل رحمة الله عليه ابيات مع السائق ( محمد المرشودي ) يبارك لأخيه الزواج ويشكي له حاله هاك الايام :-

ياهل الموتر اللي من تحت ماهية محمد المرشودي = من فضايلك يالسواق خذ خطي ترا الخط خارق عاده
لا وصلتوا سكاكا الجوف من معروفكم فابدوا المجهودي = سلموا لي على مقبل سلام العبد لا واجهوه أسياده
ثم قولوا مبارك ويتبارك مشترى دفة الماهودي = واعساها عليه من النواصي اللي تقود السعد بقلاده
وإن نشدكم عن المملوك قولوا طيبٍ ما عنه منشودي = مستصح البدن لاشك وقته حابل له بفخ وصاده
بالحجاز أتصبر وأتجبر وأتعبر وأنا ملهودي = وأتحزم ببارودي وأجاهد شن يغث الركيك جهاده
والله إن الله أبرك لكن إني جازم إنك تشد عضودي = يا سهيل النجوم اللي إليا منه ظهر كذب العداده