تسأل علي.. تدور اخبار كل يوم=وشوله؟؟ وانت اللي قطعت المودّة
والله ما انسى كلمة.. كنّها سهوم=صوبتها لاعماق.. قلب تودّه
الين شفت بعينك.. القلب محموم=والموت .. كانت رحمة الله تردّه
ابذمتك .. وش جاب ظالم لمظلوم؟=وشلون حبي في ثواني .. تهدّه
وقّفت.. وكنت بلوعة احساسي مصدوم=وربي مع المظلوم .. في كل شدّه
خليتني.. متولع فيك موهوم=واذكر كلامٍ كل يومٍ تردّه
يومك تقول انك من الحب .. محروم=وحاولت ياما.. بانتباهي.. تشدّه
ومديت.. لي حبٍ من الشوق منظوم=والله ما انسى.. لهفة ايدٍ تمدّه
ما كنت .. اعرف ان الوفا فيك معدوم=ومشاعرك في ظلمها مستبدة
والله ما ارجع لك.. ولا نيب ملزوم=ودربٍ يوصل خطوتي لك اسدّه