يازين مر العيد واخبارك ابعاد=ماشفت منك اللي يجيب العلومي
وينك تشوف الحال من طول الانكاد =ماني بحال العيد لو هو يدومي
الله ياعيدٍ تجدد ولاجاد=بمشاهد المحبوب زين الرسومي
الناس كل الناس تفرح بالاعياد=الاّ شقي القلب فكره يحومي
طول النهار وخافقي عنك نشّاد=وين الحبيب اللي يزيل الهمومي
ماذاب عيدي والحشا فيه وقاد=والشوف من شوف الحبيب امحرومي
العيد يوم ان الشمل فيه ينعاد=يرجع محلّه للعيون امحشومي
يازين قلبي مايبي غيرك امراد =والصبر دونك يالحبيب امعدومي
الله يردك عقب الاقفاي منقاد=حظٍّ وقع بالحب جعله يقومي