ليتك رخيصٍ عندنا يوم صديت =ليتك مثل غيرك من الناس عادي
أوليتني في حبّكم ماتبلّيت =ياليت قلبي باسمكم ماينادي
ياليت قلبي خاليٍ منك ياليت=يومك نويت الصد واصبح وكادي
لكن حبيبٍ في ضميري تولّيت=انت المنى كلّه وغاية مرادي
مالي بدونك فرحةٍ لو تسلّيت =صار الفرح عقبك صعيب المقادي
شوفك يداويني ولو ماتداويت=وبعدك حرم عيني لذيذ الرقادي
ياما حيا ليلي عباري وتنهيت =عقبك ..وقبلك مستريحٍ فوادي
ذكراك تبري لي معي وين حلّيت =لوكان كلٍّ راح منّا بوادي
ارسيت ودك في ضميري وقفّيت =ليتك قبل تقفي خذيت الودادي