ياحبني لحبيّبي مير يكوين=مكوى يبضّ القيح به قبل دمه
أبيه لو هو يطبخن ثم يشوين=يبرد لهيب القلب خمه ولمه
يازين قوله هيه ياويش تبغين=أحلى من الورع المغاغي على أمه

لعل جو الضلفعه للدمارا=ولايدب به الحيا دايمٍ حاف
حيث إنه يذكّر به الحرب صارا=حزت غروب الشمس يضرب بالاوصاف
لاواحسايف ياعيالٍ سكارا=زمول الاودام ماثمنهم بالالاف
ترى السعيد اللي قعد له بدارا=ولاحضر كون المليدا ولاشاف
ونيت ونة من به السم سارا=خلوه ربعه طقهم عنه رجاف
وياسمر قلبي سمر حذو المهارا=كني على جال البحر حد ميهاف
والا فمنجومٍ وتاه الديارا= شوفه تغطلس والشهر وقم الانصاف
والا فراعي حوطتينن عفارا=ولقى عليه بدفتره تسعة الاف
قال اصبروا لما تريع الخيارا=انا ارجي الله كود كتابهن طاف
جته الشهود مزنجلٍ بالوسارا=من عقب بيت العز له طق خطاف

هيض غرامي صوت عجما تحني = من ولف بوٍّ له نعبها بفرقاه
ولِّي خلوجٍ هيّدى وارجهني= ياماغدا من غاليٍ مارجيناه
كم من مشفق قبلك من الولف حنّي= يشكي صوابه بين الاضلاع يدراه
يامن يذكرني سنين مضنّي= يوم الزمل والخوف ما اسمع بطرياه
يوم المها وسط الزهر يقطفني= جاه القدر وهي ترتّع بمفلاه
بكت هيا وجزّت النوم عني =قالوا يتيمه قلت لاواعناياه
لو ان ابوك بديرة يذكر اني = تسعين ليله بيننا بعد ممشاه
لارجيه مادام النفَس يذريني = لما أصير بظلمة القبر وانساه