تذكرت وقتٍ فات يوم الهوى يختال=على روضة الأشواق والحب والفَله

زمانٍ سقاني من قراح السرور ازلال=قضيته مع اللي بالهوى شاق لي دله

حبيبٍ فقدته فيه روعة حلا واقبال=جمعني معه ميلٍ على الدين والمله

حييٍّ يخاف من الهوا والغصن لا مال=يداري ويخشى روعة العيب والزله

فريدٍ امكمّل بالأدب فيه غرّ أطفال=تنزّه عن عيوب الغنادير به ذله

فقدته ولا أدري وين روّح به الترحال=مضى لي ثلاث سنين والروح منسله

ترك بالضمير جروحٍ أدوى بها الإهمال=تركني على جال الغدير أجرع الغله

وأنا أدري هيامي فيه زاده علي اجفال=وقفّى وروحه من عنى الحب معتله

ألا يا نظر عيني وراحة شقي الحال=تعطّف على قلبٍ يكفّيه لو طله

وأعاهدك يا بدر طلع بالظلام وزال=لصُونك وأداري عنك ضيم البشر كله