يـا دالـهٍ عنـي و لا نيـب دالـه=نفسي من اسباب الجفا مستهيشـه

ما كل مـن عديـت للحمـل شالـه=و لا ورا مـن لا يقـدر معيـشـه

تلقاه الـى مسّيـت بيـدك حبالـه=متحلكمٍ تسمـع وحيفـه وشيشـه

ظنيت انـا بالغمـد سيـفٍ سلالـه=و أثره قليل الفـود جذمـار هيشـه

و الكيبل اللي قلـت مابـي بدالـه=أصبح قليل المنفعـه لـيّ شيشـه

الله مـن بشـتٍ يغـرك جمـالـه=و الى كبعت البشـت و الاه خيشـه

لا خاب ظن العود باللـي عنـا لـه=يصير كن المـر و الصبـر عيشـه

فاشلٍ عسى مهيـب حالـك بحالـه=مثل الذي يبي الدسم مـن وليشـه

طلبت قرضٍ مـا طمعـت بوصالـه=و أثري فتحت الى الندامـه دريشـه

اللي يحسبن شاحـذه خالـب فالـه=عقله صغير أو عاثينٍ بـه نخيشـه

حلفت حلـفٍ لـو بحلفـي جهالـه=ماحتاج له لو عشت انا في عريشه

حالـه تحـدك للـردى و الحثالـه=حالـة عـدو الله يقطعـك عيشـه

انا عزيـز النفـس مانيـب عالـه=حملي على غيري الى اسرفت ريشه

و إن عشت لين اصبح عليهم عباله=قولوا قضى بيديه من صلف طيشـه

العطف .. مابي العطف في كل حاله=عمر الهزل و الذل ماريـد أعيشـه

يا لايمٍ اللي مـا نصفتـه العدالـه=أثقل عليه اللوم مـن سـد بيشـه

و اللي يمينه مـا تعـاون شمالـه=و السلك عـاري لا تحبّـر بفيشـه

من عقب ما صادون ربعـي ختالـه=نفسي عقب ما شبّت صارت غشيشه

الماضي اللي فـات مالـي و مالـه=لو انبش الماضي توطـان جيشـه

يا معاتبٍ غيره علـى مـا جرالـه=ذا مخلب العميـا و هـذا حشيشـه