يـــــاقلب ياللي من بلا خـــاطري ضاق = قلي عــــلامك ؟ ضايق الصدر محروق؟

لا مرّنـــا طاري غوالــيك تـــشـــتــاق = وتـــزيد دقـــاتك تـــنـــاهــيد واخـــفـــوق

كــنـّـك غــريــر ضايعٍ وسط الاسواق = تبكي تنـــادي صــــافي الــــحــب معشوق

ويــنـــك حبيبي الــبعد مـــاعاد ينـطاق = ولا عـاد دمـــعي يحــضنه مـحجر الــموق

لا هــلّ دمــعي فوق الاوجان وانــساق = أســـوق ونـّـــاتي لاجل خـــــاطــرك سـوق

كـل الـخــــوالــــد فدوة ٍ لك والارزاق = كـــل الـــقـــبايل سقـــتها وفوقهـــم روق

هـــاك الــقــصــايد والمعالــيق ميثـاق = هـــاك الــغــلا في داخـل الــصدر مطبوق

لا يــابعد حيي عـســى خــاطرك راق؟ = عــســاك راضي؟وضيـّق الصدر مفهوق؟

ماكنت ابا أحكي لك ولكنّ الاشـــواق = هي بيــحت لك ما كـــتمـــته بـــصــندوق

أنــــا اشــهد انك للمعـــاليق بـــــوّاق = وأصبحت لي ســــارق وانـا منك مســروق

الـنــاس غرب وقــبلتــي يم مـشــراق = لاجل الــوصـــل أتـبع أســـالــيب واطــروق

الشوق يحرق زهرتي وخضر الاوراق = والـــوصــل يجــعل بـــاقي الـعـمر ملحوق

= معقــول نترك زاهــي الثوب مشقوق؟؟!!

أبيك جنــبــي نقــضي العمر بعــنــاق = أبــيك حــولي يــــــابعـــد كــل مخــــلـوق

لا صرت حاضر..باقي الناس طقـّاق = مـــاهمـني غــيرك ..ولا لــي بــهم ذوق

وينـك عــديل الروح ياروح شــبــراق = ويـــنــك تـــداوي عـــلة الــقــلب ياشــوق

يــبكــيك مــزن ٍ شــع له نور بـــرّاق = حتى الـــشــجر يبكيــك!! ويبكنـّك النوق

وتــبكيــك عذرا تــشتكي قلّ الاوفــاق = للـحظ ترجي .. وأســـود الحــظ مطــفـوق

حتى عــنــيــزه أظلمت والفضا ضاق = وعلى غــيـــابــك يـذرف الدمع غرنوق!!