يستاهل أتسمى على الشيخ زايد=القمة اللي تنعقد بالمنامة
حيث انه الرايد على كل رايد=بالعالم اجمع فارضٍ احترامه
قايد وفعلن بالمهمات قايد=الله يبعد عن جهنم عظامه
شيخٍ وليده من شيوخٍ ولايد=دايم رضا شعبه هواه ومرامه
عقبه خليفه عنه مامن بعايد=يمشي على طاروق أبوه ونظامه
للشعب غيث وتابعن ويش رايد=حيث الكرم من طبع راع الكرامه
لشر شر والسهاله مهايد=والله مع الحكام رافع مقامه
ياسيدي حبيت أهني واعايد=وادعيلك بكل ماتروح بسلامه
الله يحفظك ؤانت راع العوايد=عداد برقٍ ناض يجلي ظلامه
واسلم وسلم وانت سالم وسايد=حيث انك الهامه على كل هامه