صباح الخير من قلبٍ يـودك ياصبـاح الخيـر=ياولد الشايب اللي جعـل جنـة خلـد منزالـه



معزتك بضميري محتضنها مثـل وكـر الطيـر=يجمعها علـى عـودٍ وعـود ويـذرى عيالـه



وكم تكرم مدينه لاجل عيـنٍ كحلهـا التقديـر=انا لولاك يمدينـي قطعـت الوصـل وحبالـه



تعبت من الزمان اللي بسيفه كـل يـوم يغيـر=وانا اقول احتمـل يابـو عزيـز والله امدالـه



اجامل واتحمـل وادمـح الـزلات والتقصيـر=وانـا وش حدنـي لـولاك فـال الله ولا فالـه



اكيد العرف ما يعرض على اهل العرف والتفسير=لعل اتلاه ما هوب اولـه ربـي وانـا اسالـه



لاجل عينك دهنّا السير يالصاحب عساه يسيـر=ولن ما سار لارمي (بازمه) ما نيب في حاله(*)